حزب اللہ کا آئندہ آپریشن نہ صرف وسیع بلکہ فوجی اہداف اور آلات تک محدود نہیں ہوگا، ایران

شیعہ نیوز: اقوام متحدہ میں ایران کے نمائندے نے جنوبی بیروت میں ضاحیہ پر اسرائیلی حملے پر حزب اللہ کے ممکنہ ردعمل کے بارے میں کہا کہ ہمارا تخمینہ ہے کہ حزب اللہ اپنے ردعمل کو فوجی اہداف اور مخصوص علاقوں تک محدود نہیں رکھے گی اور آئندہ کاروائی کا ٹارگٹ وسیع ہوگا۔

اقوام متحدہ میں ایران کے نمائندے نے جمعہ کی رات کو جنوبی بیروت میں ضاحیہ پر اسرائیلی حملے پر لبنان کی حزب اللہ کے ردعمل کی شدت کے بارے میں پوچھے گئے سوال کے جواب میں کہا کہ حزب اللہ اور اسرائیلی حملوں میں کچھ ان لکھے اصولوں کے تحت کم شدت کے حملے سرحدی علاقوں اور فوجی اہداف تک محدود تھے، تاہم اسرائیل نے یہ حد توڑ دی اور بیروت کے علاقے ضاحیہ پر حملے اور رہائشی عمارت کو نشانہ بنایا۔

یہ بھی پڑھیں : شمالی مقبوضہ فلسطین میں صیہونی فوجی اہداف پر حزب اللہ کے حملے

ہمارہ اندازہ ہے کہ حزب اللہ جوابی کاروائی کو فوجی اہداف اور مخصوص علاقوں تک محدود نہیں رکھے گی اور آئندہ آپریشن کا ٹارگٹ نہ صرف وسیع ہوگا بلکہ فوجی اہداف اور آلات تک محدود نہیں ہوگا۔

حزب اللہ لبنان نے ایک بیان میں کہا ہے کہ صہیونی دشمن نے 30 جولائی 2024 بروز منگل کی شام بیروت کے علاقے ضاحیہ پر حملہ کیا اور اس محلے میں رہائشی عمارت کو نشانہ بنایا جس کے نتیجے میں متعدد شہری شہید اور دیگر زخمی ہوئے۔ حملے کے وقت اس عمارت میں کمانڈر فواد شکر (حاج محسن) بھی موجود تھے۔