شام کو درپیش سب سے بڑا مسئلہ تکفیری دہشت گرد تنظیم ہے، روس

شیعہ نیوز: اقوام متحدہ میں روس کے نمائندے نے کہا ہے کہ شام کو درپیش سب سے بڑا مسئلہ تکفیری دہشت گرد تنظیم تحریر الشام ہے۔

روسیا الیوم نے کہا ہے کہ اقوام متحدہ میں روس کے نمائندے واسیلی نبنزیا نے تکفیری دہشت گرد تنظیم کو شام کا سب سے بڑا مسئلہ قرار دیا ہے۔

یہ بھی پڑھیں : ایران کمزور نہیں ہوا، صہیونی حکومت کی نابودی ہمارے ایجنڈے میں شامل ہے، جنرل سلامی

انہوں نے کہا کہ تحریر الشام ایک دہشت گرد تنظیم ہے جو شام کے لئے اس وقت سب سے بڑی مشکل ہے۔

میڈیا کے نمائندوں سے گفتگو کرتے ہوئے انہوں نے کہا کہ میرا خیال ہے کہ سلامتی کونسل ہر قیمت پر شام کی سالمیت اور سویلین کی حفاظت کو یقینی بنائے گی۔

انہوں نے کہا کہ شام کے بارے میں سلامتی کونسل کے اراکین کے درمیان مثبت بات چیت ہوئی۔ ماسکو شام کی صورت حال کی نگرانی کررہا ہے اور وہاں کے حالات کے مطابق پالیسی بنائے گا۔