ٹرمپ انتظامیہ نے ہارورڈ یونیورسٹی کی 60 ملین ڈالر کی امداد روک دی
شیعہ نیوز: امریکی محکمہ صحت نے ہارورڈ یونیورسٹی کو دی جانے والی 60 ملین ڈالر کی امداد منسوخ کر دی ہے۔
رپورٹ کے مطابق ٹرمپ انتظامیہ کی جانب سے غزہ میں صہیونی مظالم کے خلاف آواز بلند کرنے والے امریکی اداروں کے خلاف انتقامی کاروائیاں عروج پر ہیں۔
تازہ ترین اطلاعات کے مطابق ٹرمپ انتظامیہ نے ہارورڈ یونیورسٹی کو ملنے والی امدادی رقم روک دی ہے۔ یہ فیصلہ ٹرمپ انتظامیہ کی جانب سے گزشتہ دو ماہ کے دوران ہارورڈ یونیورسٹی کے خلاف تیسرا بڑا مالیاتی اقدام ہے، جس کے بعد ادارے کو مجموعی طور پر 2.7 ارب ڈالر کی وفاقی امداد سے محروم کر دیا گیا ہے۔
یہ بھی پڑھیں : یورینیم افزودگی ہماری ریڈ لائن ہے، ہرگز سمجھوتہ نہیں کریں گے، ایرانی نائب صدر
امریکی محکمہ صحت نے سوشل میڈیا پر ایک بیان میں ہارورڈ یونیورسٹی کی امداد روکنے کا اعلان کیا اور دعوی کیا کہ یہ اقدام اعلیٰ تعلیم میں شہری حقوق کی پاسداری کو یقینی بنانے کے لیے کیا گیا ہے۔
اگرچہ سرکاری بیان میں شہری حقوق کا حوالہ دیا گیا ہے، لیکن ناقدین کا ماننا ہے کہ ٹرمپ انتظامیہ کی یہ پالیسیاں سیاسی دباؤ، نظریاتی اختلافات اور یونیورسٹیوں میں فلسطینی حمایت یا دیگر مزاحمتی سرگرمیوں سے متعلق ہو سکتی ہیں۔
