ایران کی جوہری صلاحیت مکمل تباہ نہیں ہوئی، پینٹاگون کا اعتراف

شیعہ نیوز: امریکی محکمہ دفاع پینٹاگون نے ٹرمپ کے دعوے کو مسترد کرتے ہوئے کہا ہے کہ ایران کا جوہری پروگرام مکمل تباہ نہیں ہوا بلکہ صرف دو سال کے لیے معطل ہوگیا ہے۔

رپورٹ کے مطابق امریکی وزارت دفاع نے ایک تازہ بیان میں اعتراف کیا ہے کہ ایران کے خلاف حالیہ حملے اس کی جوہری صلاحیت کو محض دو سال تک مؤخر کر سکے ہیں، مکمل طور پر اسے ختم کرنے میں کامیابی حاصل نہیں ہوئی۔ یہ بیان امریکی صدر ڈونلڈ ٹرمپ کے اس دعوے کی نفی ہے جس میں انہوں نے کہا تھا کہ ایران کا جوہری پروگرام ہمیشہ کے لیے نابود کر دیا گیا ہے۔

یہ بھی پڑھیں : مقبوضہ علاقوں پر یمن کی مسلح افواج کے ڈرون اور میزائل حملے

الجزیرہ کے مطابق، پینٹاگون نے اعلان کیا ہے کہ فردو، اصفہان اور نطنز جیسے اہم جوہری مراکز پر حملوں کے باوجود ایران کا جوہری پروگرام صرف عارضی تعطل کا شکار ہوا ہے اور اس کی بنیادی صلاحیتیں اب بھی موجود ہیں۔

پینٹاگون نے 12 روزہ جنگ کے بعد کی صورت حال کو جنگ بندی اور امن کی حالت قرار دیا، لیکن ساتھ ہی اعلان کیا کہ امریکہ اپنے فوجی اثر و رسوخ کو مشرق وسطی میں قائم رکھے گا تاکہ امن کا تحفظ یقینی بنایا جاسکے۔