افغانستان میں امریکی فضائی حملے میں اسکول اور کلینک تباہ، 20 افراد ہلاک

شیعہ نیوز (پاکستانی شیعہ خبر رساں ادارہ) افغان میڈیا کے مطابق افغانستان میں امریکی فضائی حملے میں 20 افراد ہلاک جب کہ اسکول اور کلینک تباہ ہوگیا ۔

اطلاعات کے مطابق گزشتہ 48 گھنٹوں سے صوبے ہلمند میں طالبان اور افغان فورسز کے درمیان شدید جھڑپیں جاری ہیں جب کہ امریکی فضائی حملے اور طالبان سے جھڑپوں کے نتیجے میں 20 افراد ہلاک ہوگئے، اس کے علاوہ علاقے میں ایک اسکول اور کلینک بھی تباہ ہوگیا۔

افغان سکیورٹی فورسز کے مطابق لشکرگاہ کے ضلع 1 اور 2 کو طالبان سے خالی کرالیا گیا ہے جب کہ ضلع نمبر 2 اور 7 میں طالبان نے اپنے ٹھکانے بنائے ہوئے تھے جہاں امریکی B-52 بمبار طیاروں نے فضائی حملہ کیا۔