
القسام بریگیڈ کے جوابی حملے جاری، اسرائیلی فوج کے چھے مرکاوا ٹینکوں کو نشانہ بنایا
شیعہ نیوز: حماس کے عسکری ونگ القسام بریگیڈ نے رفح کے شمال مشرق اور جبالیہ کیمپ میں اسرائیلی فوج کے تین مرکاوا ٹینکوں کو یاسین 105 راکٹوں سے نشانہ بنایا۔
الجزیرہ نے بتایا ہے کہ حماس کے عسکری ونگ القسام بریگیڈ نے رفح کے مشرق میں صیہونی حکومت کے تین ٹینکوں کو "یٰسین 105” راکٹوں اور "شواز” بموں سے نشانہ بنایا ہے۔
تفصیلات کے مطابق القسام نے غزہ کے شمال میں جبالیہ کیمپ کی شاہراہ العجارمہ پر اسرائیلی فوج کے دو مرکاوا 4 ٹینکوں کو یاسین 105 راکٹوں جب کہ القصائب محلے میں ایک مرکاوا 4 ٹینک کو شواز بم سے نشانہ بنایا۔
یہ بھی پڑھیں : تائیوان کے نئے صدر جزیرے کو بیجنگ کے ساتھ جنگ کی طرف دھکیل رہے ہیں، چین
فلسطینی مزاحمت کی یہ کاروائی اسرائیلی فوج کے شمالی غزہ کے قصبے بیت لاہیا میں کمال عدوان ہسپتال پر حملے کے جواب میں کی گئی ہے۔
ذرائع کے مطابق علاقے میں اسرائیلی فوجیوں کی پیش قدمی اور اسپتال کو نشانہ بنانے کی وجہ سے یہ طبی مرکز مکمل طور پر تباہ ہوچکا ہے۔
دوسری جانب ابو یوسف النجار اسپتال کے ڈائریکٹر کا بھی کہنا تھا کہ اسرائیلی فوج جان بوجھ کر غزہ کے اسپتالوں کو تباہ کرنے کی سمت بڑھ رہی ہے اور رفح میں الکویتی اسپتال انہیں حملوں کی وجہ سے خدمات فراہم کرنے کی صلاحیت کھو چکا ہے۔