تل ابیب پر یمن کے میزائل حملے کی قدردانی، ترجمان القسام بریگیڈ

شیعہ نیوز: فلسطین کی تحریک حماس کے فوجی بازو القسام بریگیڈ نے غزہ کے عوام کی جاری حمایت اور صیہونی فوجی اہداف پر جوابی حملے جاری رکھنے پر یمنیوں کا شکریہ ادا کیا۔

القسام بریگیڈ کے ترجمان ابو عبیدہ نے ایک پیغام میں کہا ہے کہ یمن کی سب سے بڑی بات یہ ہے کہ وہ فلسطین کا بھائی ہے اور ایک ایسا ملک ہے جو ظالم قوتوں کو ناکوں چنے چبوا رہا ہے اور سر تسلیم خم نہیں کیا ہے۔

یہ بھی پڑھیں : یمن کے تعلق سے ایران کے خلاف بے بنیاد الزام کے بارے میں وزارت خارجہ کا بیان

انہوں نے تاکید کی کہ مقبوضہ فلسطین کے مرکز پر یمن کے میزائل حملے نے نہ صرف سارے ڈیفنس سسٹموں کی قلعی کھول کر رکھ دی بلکہ صیہونی حکام کی نیندیں بھی اڑا دیں اور صیہونی مرکز کو بالکل ٹھیک طرح سے نشانہ بنایا۔

ابو عبیدہ نے یمنیوں کی جدوجہد کی قدردانی اور انہیں مخاطب کرتے ہوئے کہا کہ ہم اور آپ ایک ہیں۔