رفیقِ شہید قائد علامہ عارف الحسینیؒ ، بزرگ عالم دین علامہ حیدر علی جوادی اسپتال داخل، دعاؤں کی التماس

شیعہ نیوز : شہید قائد علامہ عارف حسین الحسینیؒ کے رفیق ِ خاص اور بزرگ عالم دین علامہ حیدر علی جوادی ان دنوں شدید علیل ہیں ، علامہ حیدر علی جوادی کی بیماری کےسبب ان کے عزیز واقارب کی جانب سے خصوصی دعاؤں کی التماس کی گئی ہے ۔

تفصیلات کے مطابق تحریک جعفریہ پاکستان سابق مرکزی رہنما و صوبائی صدر اور شہید قائد علامہ سید عارف حسین الحسینیؒ کے رفیق ، بزرگ عالم دین علامہ حیدر علی جوادی شدید علالت کے باعث کراچی کے نجی اسپتال میں زیر علاج ہیں۔

علامہ حیدر علی جوادی کا شمار پاکستان کے جید اور بزرگ علماء میں کیا جاتا ہے، انہوں نے جوانی میں شہید قائد علامہ عارف حسین الحسینیؒ کے دور قیادت میں بھرپور قومی کردار اداکیا۔ بعد ازاں اصغریہ آرگنائزیشن اور اصغریہ اسٹوڈنٹس آرگنائزیشن کے پلیٹ فارم سے سندھ کے دور دراز علاقوں میں تبلیغ دین کا فریضہ انجام دیا۔

یہ بھی پڑھیں: سرمایہ و مسیحائے ملت شہیدہ ڈاکٹر ثریا نثار کھوسہ کے بہیمانہ قتل کو 20 سال بیت گئے،تکفیری قاتل تاحال آزاد

علامہ حیدر علی جوادی نے سندھ کے دور افتادہ علاقوں ، گوٹھوں، دیہاتوں میں امام خمینیؒ کا انقلابی پیغام گھرگھر پہنچایا، نوجوانوں کی دینی و ولائی خطوط پر تربیت کا اہتمام کیااور ہزاروں طلبہ کو چشمہ علم سے سیراب کیا۔

علامہ حیدرعلی جوادی کے قریبی عزیز واقارب نے پوری ملت جعفریہ سے ان کی جلد مکمل صحت یابی کیلئے خصوصی دعاؤں کی التماس کی ہے ۔