علامہ سید اشتیاق حسین کاظمی شیعہ علماء کونسل شمالی پنجاب کے صدر منتخب ہوگئے

شیعہ نیوز: علامہ سید اشتیاق حسین کاظمی شیعہ علماء کونسل شمالی پنجاب کے صدر منتخب ہوگئے ہیں۔ اس حوالے سے مرکزی صدر ایس یو سی علامہ عارف حسین واحدی کے زیرصدارت انٹرا پارٹی اجلاس مسجد و امام بارگاہ امام بارگاہ شاہ نجف راولپنڈی میں منعقد ہوا، جس میں شیعہ علماء کونسل کے مرکزی سیکرٹری اطلاعات زاہد علی اخونزادہ نے بھی شرکت کی۔

اجلاس میں متعلقہ اضلاع کے نمائندے اور صوبائی رہنماء شریک ہوئے، اور علامہ سید اشتیاق حسین کاظمی کو شیعہ علماء کونسل شمالی پنجاب کے صدر منتخب کرلیا گیا، علامہ عارف حسین واحدی نے نومنتخب صوبائی صدر سے ان کے عہدے کا حلف لیا۔