متنازعہ یکساں نصاب تعلیم اور متنازعہ توہین صحابہ بل فرقہ وارانہ سوچ کا عکاس ہے
شیعہ نیوز (پاکستانی شیعہ خبر رساں ادارہ) متنازعہ یکساں نصاب تعلیم اور متنازعہ توہین صحابہ بل ریاستی اداروں میں موجود کالی بھیڑوں کی فرقہ وارانہ سوچ کا عکاس ہے۔ جو ایک مرتبہ پھر وطن عزیز پاکستان کو فرقہ وارانہ نفرتوں کی جانب دھکیلنا چاہتے ہیں۔ ان خیالات کا اظہار مجلس وحدت مسلمین پاکستان کے مرکزی رہنماء علامہ مقصود علی ڈومکی نے سیلاب متاثرین سے گفتگو کرتے ہوئے کیا۔
مجلس وحدت مسلمین پاکستان کے مرکزی رہنماء سابق صوبائی وزیر قانون آغا سید محمد رضا، مرکزی سیکرٹری تنظیم علامہ مقصود علی ڈومکی، صوبائی صدر علامہ سید ظفر عباس شمسی نے روجھان جمالی میں تحصیل صدر مجلس وحدت مسلمین شہزادو خان دشتی کی رہائش گاہ پر تقریب سے خطاب کیا اور سیلاب متاثرین میں عید کے تحائف تقسیم کئے۔ اس موقع پر گفتگو کرتے ہوئے سابق وزیر آغا رضا نے کہا کہ مجلس وحدت مسلمین نے قائد شہید علامہ عارف حسین الحسینی رحمۃ اللہ علیہ کی جدوجہد کو آگے بڑھایا اور پاکستان میں تشیع کی سیاسی شناخت اور انقلابی سوچ کو پروان چڑھایا۔
یہ خبر بھی پڑھیں متنازعہ توہین صحابہ بل، علامہ سبطین سبزواری کی سید حسن مرتضی سے ملاقات
اس موقع پر علامہ مقصود علی ڈومکی نے گفتگو کرتے ہوئے کہا کہ متنازعہ نصاب تعلیم اور متنازعہ بل ریاستی اداروں میں موجود کالی بھیڑوں کی فرقہ وارانہ سوچ کا عکاس ہے۔ جو ایک مرتبہ پھر وطن عزیز پاکستان کو فرقہ وارانہ نفرتوں کی جانب دھکیلنا چاہتے ہیں۔ عوامی شعور و بیداری سے خائف قوتیں فرقہ واریت کے نام پر تفرقے کو ہوا دے رہی ہیں۔ اس موقع پر گفتگو کرتے ہوئے علامہ سید ظفر عباس شمسی نے کہا کہ متنازعہ بل کی کوئی قانونی حیثیت نہیں، مجلس وحدت مسلمین ملت جعفریہ کے حقوق کی محافظ ہے۔
