پاکستانی شیعہ خبریںہفتہ کی اہم خبریں

اگر سیاستدان اور عوام irrelevant ہو جائیں تو پاکستان نہیں چل سکتا،سینیٹر علامہ راجہ ناصر عباس

ضروری ہے کہ پاکستان کے سیاستدان اور عوام جو موجودہ سسٹم سے الگ تھلگ کھڑے ہیں اور اس سسٹم پر بالکل اعتماد نہیں کرتے اور مایوس و نا امید بھی ہیں۔

شیعہ نیوز : معروف سیاستدان مصطفیٰ نواز کھوکھر کی رہائش گاہ پر پریس کانفرنس کرتے ہوئے چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے کہا کہ پاکستان سیاست دانوں نے عوام کے ساتھ مل کر بنایا تھا۔

اگر سیاستدان اور عوام irrelevant ہو جائیں تو پاکستان نہیں چل سکتا۔

پاکستان پہلے ٹوٹا ہے اب باقی ماندہ پاکستان بھی تباہی و بربادی کا شکار ہے۔

ضروری ہے کہ پاکستان کے سیاستدان اور عوام جو موجودہ سسٹم سے الگ تھلگ کھڑے ہیں اور اس سسٹم پر بالکل اعتماد نہیں کرتے اور مایوس و نا امید بھی ہیں۔

یہ جو سسٹم بنا ہوا ہے کہ جس کے ساتھ عوام ناں ہوں اور جو اپنی نیشنل پاور کو کھو چکا ہو اور کمزور ہو جائے تو جو بحران کھڑا کر رہا ہے وہ خود اسکا بوجھ نہیں اٹھا سکتا۔

ضرورت ہے کہ پاکستان میں سیاسی سسٹم آئین و قانون کے مطابق وجود میں آئے جس پر پاکستان کے عوام اعتماد کریں اور جسے انسٹال کرنے کے لیے فری اینڈ فئیر الیکشن ہونے چاہیے۔

یہ بھی پڑھیں:عراقی حکومت کا نئی ویزہ پالیسی کا اعلان، ویزہ فیس میں ہوشربا اضافہ

عوام کی منتخب شدہ حکومت ہو جو عوام اور پارلیمنٹ کو جوابدہ ہو ایسی مظبوط پارلیمنٹ وجود میں آنی چاہیے، ناں کہ اشاروں پر چلنے والی پارلیمنٹ جو طاقتوروں کے آگے جھکی ہوئی ہو اور عوام کے حقوق کے ساتھ اسکا کوئی تعلق ہی نہ ہو۔

لہٰذا ضروری ہے کہ تحریک تحفظ آئین پاکستان کا جو پلیٹ فارم ہے اس پر سب کو متحد کیا جائے۔

مصطفیٰ نوز کھوکھر صاحب اور ہماری ایک سوچ ہے، ہم سب کے پاس جا رہے ہیں اور ہم سب کا اس بات پر اتفاق ہے کہ اب جو جدوجہد ہو وہ محض اقتدار کے حصول کے لیے نہ ہو۔

عمران خان کی شخصیت اس وقت صدارت و وزارت عظمیٰ کے منصبوں سے بالاتر ہے۔

اس وقت ساری جدوجہد قانون کی بالادستی کے لیے ہے، اقتدار برائے حصول اقتدار نہ ہو، آئین کی بحالی کے لیے ہو۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button