
پاکستانی شیعہ خبریںہفتہ کی اہم خبریں
پیٹرولیم مصنوعات کی قیمتوں میں مسلسل اضافے کو یکسر مسترد کرتے ہیں،سینیٹر علامہ راجہ ناصرعباس
شیعہ نیوز : چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے اپنےمذمتی بیان میں کہا ہے کہ پیٹرولیم مصنوعات کی قیمتوں میں مسلسل اضافے کو یکسر مسترد کرتے ہیں، غریب عوام کا کسی کو ذرا بھی احساس نہیں ہے، لوگ پہلے ہی مہنگائی کی چکی میں پس رہے ہیں۔
انہوںنے مزید کہا کہ پیٹرول اور ڈیزل کی قیمتوں میں اضافہ ملک میں مزید مہنگائی کا طوفان لائے گا، ان اقدامات سے حکومت کی جانب سے آئے روز مہنگائی میں کمی کے بلند بانگ دعوؤں کی قلعی کھل گئی ہے، ظالمانہ اقدامات نے عام آدمی کے لیے جینا دوبھر کر دیا ہے اور دو وقت کی روٹی کا حصول مشکل بنا دیا ہے۔