زائرین کیلئے زمینی بارڈر کی بندش، علامہ راجہ ناصرعباس کاسینیٹ کی قائمہ کمیٹی برائے مذہبی امور کے چیئرمین، سینیٹر مولانا عطاءالرحمان سےرابطہ

شیعہ نیوز :  اربعین کے موقع پر زمینی بارڈر کی بندش کے حوالے سے قائدِ وحدت سینیٹر علامہ راجہ ناصر عباس جعفری نے سینیٹ کی قائمہ کمیٹی برائے مذہبی امور کے چیئرمین، سینیٹر مولانا عطاءالرحمان سے ٹیلی فونک رابطہ کیا۔انہوں نے موجودہ صورتِ حال پر گہرے تحفظات اور تشویش کا اظہار کرتے ہوئے زائرین کو درپیش مشکلات سے آگاہ کیا۔

سینیٹر مولانا عطاءالرحمان نے معاملے کو اعلیٰ سطح پر اُٹھانے کی یقین دہانی کرواتے ہوئے بتایا کہ وزارتِ مذہبی امور کی جانب سے زمینی راستے بند کرنے کا کوئی باضابطہ فیصلہ نہیں کیا گیا۔انہوں نے اس معاملے پر بھرپور تعاون کا وعدہ کرتے ہوئے جلد وزیرِ مذہبی امور سے ملاقات کی یقین دہانی بھی کرائی۔