اسلامی تحریکیںہفتہ کی اہم خبریں

وطن عزیز کی سربلندی کا حل قائد کے رہنما اصولوں کی پاسداری میں ہے

شیعہ نیوز (پاکستانی شیعہ خبر رساں ادارہ) مجلس وحدت مسلمین پاکستان کے سربراہ علامہ ناصر عباس جعفری نے بابائے قوم قائد اعظم محمد علی جناح کے71ویں یوم وفات پر میڈیا سیل سے جاری اپنے بیان میںکہا ہے کہ قائد اعظم محمد علی جناح کے حقیقی پاکستان کی تکمیل ہی ساری مشکلات سے نجات کا واحد ذریعہ ہے۔

علامہ ناصر عباس جعفری کا کہنا تھا کہ قائداعظم محمد علی جناح نے جس پاکستان کے قیام کے لیے ایک طویل جدوجہد کی ہم بھی اسی پاکستان کا قیام چاہتے ہیں۔ ایسا پاکستان جہاں قانون کی بالادستی ہوجو تعصب، انتہا پسندی، تکفیر یت،کرپشن، اقربا پروری اور ظلم سے پاک ہو ۔

انہوں نے کہاکہ قائد کےبا بصیرت افکار اور دانشمندانہ فرمودات پر اگر آج عمل کیا جاتا تو ملک اس طرح کے ان گنت بحرانوں میں نہ جکڑا ہوتا۔ہر طرح کے بیرونی مداخلت سے آزاد خود مختار ریاست قائد اعظم کا خواب تھا جہاں مسلمانوں کو اسلام کے اصولوں کے مطابق آزادنہ زندگی گزارنے کے مواقع میسر ہوں۔جہاں اقلیتوں کو ہر طرح کا تحفظ ملے۔

سربراہ ایم ڈبلیو ایم نے کہا کہ گزشتہ تین عشروں سے جاری دہشت گردی کے واقعات کے ذریعے قائد کے نظریاتی و فکری پاکستان کو تباہ کرنے کی کوششیں کی گئیںلیکن دشمن کامیاب نہیں ہوئے،ہمارے ناعاقبت اندیش حکمرانوں نے قائد اعظم کے فرمودات اور اقبال کی خودی کو پس پشت ڈال کر مغرب قوتوں پر انحصار شروع کر دیا، اسی کے سبب استعماری طاقتوں نے ہمیں دہشتگردی اور انتہا پسندی کے دلدل میں دھکیل کر رکھ دیا،ملک کو آئی ایم ایف کے شکنجوں میںجکڑ کر ہم سے آزاد خارجہ پالیسی کے حق تک کو سلب کر لیا گیا،وطن عزیز کی سربلندی کا واحد حل قائد کے رہنما اصولوں کی پاسداری ہے۔

انہوں نےکہا کہ قائد اعظم ایک مخلص اور قوم کا حقیقی درد رکھنے والے رہنما تھے۔ برصغیر کے مسلمانوں کی علیحدہ ریاست کے لیے انہوں نے ایک طویل جنگ لڑی اور اپنے اصولوں کی پاسداری کرتے ہوئے برصغیر کے مسلمانوں کے لیے الگ وطن حاصل کیااور ہمیں اس کی حفاظت کرنے کے لیے اسی درد اور اخلاص کے ساتھ جدوجہد کرنے کی ضرورت ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button