پاکستانی شیعہ خبریںہفتہ کی اہم خبریں

علامہ شیخ محمد حسن جعفری کا آغا خان کی وفات پر تعزیتی پیغام

علامہ شیخ محمد حسن جعفری نے کہا کہ شاہ کریم الحسینی المعروف پرنس کریم آغا خان کی علم و حکمت، محبت اور خدمتِ خلق کی مثالیں ہمیشہ ہمارے دلوں میں زندہ رہیں گی

شیعہ نیوز: معروف عالم دین اور سرپرست اعلیٰ انجمن امامیہ بلتستان علامہ شیخ محمد حسن جعفری نے اسماعیلی برادری کے پیشوا شاہ کریم الحسینی المعروف پرنس کریم آغا خان کے انتقال پر اپنے ایک تعزیتی بیان میں کہا ہے کہ شاہ کریم الحسینی  کی وفات کا سن کر ہم گہرے دکھ اور صدمے کا اظہار کرتے ہیں۔ ان کی حیات نہ صرف اسماعیلی برادری بلکہ پوری انسانیت کے لیے ایک مشعلِ رہنمائی ثابت ہوئی ہے۔

یہ بھی پڑھیں: اسماعیلی کمیونٹی کے روحانی پیشوا پرنس کریم آغا خان انتقال کرگئے

علامہ شیخ محمد حسن جعفری نے کہا کہ شاہ کریم الحسینی المعروف پرنس کریم آغا خان کی علم و حکمت، محبت اور خدمتِ خلق کی مثالیں ہمیشہ ہمارے دلوں میں زندہ رہیں گی۔ ان سے ایک دفعہ ملاقات بھی ہوئی اور انتہائی اہم معاملات پر گفتگو بھی ہوئی تھی، انسانیت کیلئے درد اور کام کرنے کا جذبہ یقینًا دیدنی تھا۔ انہوں نے کہا کہ ہم دعا گو ہیں کہ اللہ تعالیٰ مرحوم کی مغفرت فرمائے اور تمام اسماعیلی براداری کو اس ناقابلِ بیان نقصان کے غم کو برداشت کرنے کا حوصلہ عطا فرمائے۔ ہم آپ کے غم میں برابر کے شریک ہیں۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button