مشرق وسطیہفتہ کی اہم خبریں

امریکہ مزاحمتی محاذ کی کامیابیوں سے پریشان ہیں۔ خطیب جمعہ

شیعہ نیوز (پاکستانی شیعہ خبر رساں ادارہ) تہران کے خطیب جمعہ نے خطے کی مزاحمتی تحریکوں کو مکتب عاشورہ سے ماخوذ قرار دیا ہے۔

تہران کے خطیب جمعہ حجت الاسلام محمد حسن ابوترابی فرد کا کہنا تھا کہ ایران کے اسلامی انقلاب نے پچھلے چالیس برس کے دوران مکتب عاشورہ کی برکت سے یادگار فتوحات رقم کی ہیں۔

انہوں نے کہا کہ مکتب عاشورہ نے استقامت، پائیداری اور بصیرت کا درس دے کر، موجودہ انسانی تہذیب کو انقلابی، استقامتی اور کامیابی کی تہذیب میں تبدیل کردیا ہے۔

تہران کے خطیب جمعہ نے کہا کہ آج امریکہ اور سامراجی طاقتیں مزاحمتی محاذ کی کامیابیوں کی وجہ سے سخت پریشان ہیں۔

انہوں نے مسلم امہ پر زور دیا کہ وہ اپنے دشنموں کو پہنچانیں اور ان کے خلاف اُٹھ کھڑے ہوں۔

حجت الاسلام ابوترابی فرد نے ایران کے خلاف امریکہ کی ظالمانہ پابندیوں کی جانب اشارہ کرتے ہوئے کہا کہ ایران اسلامی مکتب عاشورہ سے درس لیکر مغرب کی بھرپور اقتصادی جنگ میں کامیاب ہوجائےگا۔

Tags
Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close