اصغریہ اسٹوڈنٹس کا 50واں مرکزی کنونشن 27 دسمبر سے شروع ہوگا
شیعہ نیوز (پاکستانی شیعہ خبر رساں ادارہ) اصغریہ اسٹوڈنٹس آرگنائزیشن پاکستان کا 50واں سالانہ تنظیمی کنونشن ’’ بعنوان عازقان مہدی‘‘ 27 سے 29 دسمبر تک ثقافتی مرکز بھٹ شاہ سندھ میں ہوگا۔
اصغریہ اسٹوڈنٹس آرگنائزیشن پاکستان کے مرکزی دفتر المہدی سینٹر جامشورو سے جاری اعلامیے کے مطابق 50واں سالانہ "عاشقانِ مہدیؑ و یوم رہبر انسانیت‘‘کنونشن کا انعقاد 27 سے 29 دسمبر کو ثقافتی مرکز بھٹ شاہ سندھ میں ہوگا۔ مرکزی صدر کی ہدایت پر کنونشن کی رابطہ مہم تیز کر دی گئی ہے۔
واضح رہے کہ اصغریہ اسٹوڈنٹس آرگنائزیشن کا سالانہ کنونشن ہر سال ثقافتی مرکز بھٹ شاہ میں منعقد ہوتاہے، جس میں شب شہداء، ایجوکیشن کانفرنس، طلبہ کے درمیان تقریری و دیگر مقابلے اور معروف علماء کرام و دانشوار حضرات کے دروس اور نئے میر کاررواں کا انتخاب عمل میں لایا جائے گا۔ کنونشن میں صوبہ سندھ بھر سے اے ایس او کے عہدیدار اور اراکین شرکت کریں گے، کنونشن میں علمائے کرام، سابقین اور تنظیمی مبصرین بھی شریک ہونگے۔
