حزب اللہ اور امل کی مشترکہ احتجاجی ریلی پر حملہ، 2افراد شہید

شیعہ نیوز (پاکستانی شیعہ خبر رساں ادارہ) لبنان الطیونہ کے علاقے میں حزب اللہ اور امل کی کال پر احتجاج کرنے والوں پر حملہ اب تک کی اطلاعات کے مطابق دو افراد شہید متعدد زخمی ہوگئے ہیں۔

تفصیلات کے مطابق بیروت پورٹ دھماکے کی تحقیقات کو سیاسی بنانے کے خلاف حزب اللہ اور امل کی جانب سےجسٹس پیلس کے سامنے مظاہرے کا اعلان کیا گیا تھا ۔

المنار ٹی وی کے مطابق آج جب جسٹس پیلس کے سامنے ہزاروں افراد احتجاج کر رہے تھے تو قریبی عمارتوں پر پہلے سے موجود دہشتگرد اسنائپرز نے مظاہرین پر فائرنگ کردی جس کے نتیجے میں اب تک کی اطلاعات کے مطابق2 مظاہرین شہید جبکہ 7 زخمی ہوگئے ہیں۔

دریں اثنا ، لبنانی فوج نے ایک بیان جاری کیا جس میں کہا گیا ہے کہ مظاہرین کے ایک گروپ نے طیونیہ کے علاقے میں فائرنگ کی۔ بیان کے مطابق لبنانی فوج نے خبردار کیا ہے کہ اس کے یونٹ علاقے میں پہنچ گئے ہیں اور کسی بھی عسکریت پسند کو فائرنگ کا نشانہ بنائیں گے۔

گزشتہ روز حزب اللہ اور امل تحریک نے حامیوں سے مطالبہ کیا کہ وہ بیروت پورٹ دھماکے کی تحقیقات کو غیر سیاسی بنانے کے لیے انصاف محل کے قریب ریلی نکالیں۔

حزب اللہ کے سیکرٹری جنرل سید نصراللہ نے عدالتی تفتیشی جج طارق بتار کی جانب سے بیروت دھماکے کی تحقیقات کو سیاسی رنگ دینے کا انکشاف کیا تھا۔

یہ خبر بھی پڑھیں قندوز دھماکے کا اصل ذمہ دار امریکہ ہے.سید حسن نصر اللہ

سید نصراللہ نے اس بات پر زور دیا کہ حزب اللہ بیروت پورٹ دھماکہ کیس میں حقیقت سامنے لانے کی خواہاں ہے لیکن انہوں نے کہا کہ عدالتی تفتیش کار کو غیر جانبدارانہ عدالتی راستہ اختیار کرنا چاہیے اور سیاست سے دور ہونا چاہیے۔