یمن کی مسلح افواج کے امریکہ کے متعدد بحری جہازوں پر حملے

شیعہ نیوز: یمن کی مسلح افواج نے امریکہ کے دو جنگی اور تین رسد رسانی کے بحری جہازوں پر میزائل اور ڈرون حملے کی خبر دی ہے۔

المسیرہ ٹی وی نے رپورٹ دی ہے کہ یمن کی مسلح افواج کے ترجمان یحیی سریع نے منگل کو ایک بیان میں بتایا ہے کہ یمنی بحریہ نے امریکہ کے دو جنگی اور تین رسد رسانی کے بحری جہازوں پر ڈرون اور میزائل حملے کئے ہیں۔

انھوں نے بتایا کہ امریکہ کے رسد رسانی کے تین بحری جہازں پر جیبوتی بندرگاہ سے نکلنے کے بعد حملہ کیا گیا ہے۔

یہ بھی پڑھیں : پاکستان کا مقبوضہ جولان سے اسرائیل کی پسپائی کا مطالبہ

یمن کی مسلح افواج کے سربراہ نے بتایا کہ امریکہ کے جن جہازوں کو حملے کا نشانہ بنایا گیا ہے، وہ یمن کے خلاف امریکی جارحیت میں شریک تھے۔

یحیی سریع نے بتایا کہ یمنی افواج نے امریکہ کے ان دو جنگی بحری جہازوں پر بھی حملے کئے جو خلیج عدن میں رسد رسانی کے بحری جہازوں کی حفاظت کررہے تھے۔

انھوں نے بتایا کہ یہ دس دن کے اندر اپنی نوعیت کے دوسرا حملہ ہے۔

یحیی سریع نے بتایا کہ یمن کی مسلح افواج نے مقبوضہ فلسطین کے اندر دو الگ الگ کارروائیوں میں یافا اور عسقلان میں صیہونی فوجی مراکز پر بھی حملے کئے ہیں۔

یمن کی مسلح افوج کے ترجمان نے ایک بار پھر واضح کیا ہے کہ غزہ کا محاصرہ ختم اور صیہونی جارحیت بند ہونے تک صیہونی حکومت اور اس کے حامیوں کے خلاف یمنی افواج کی کارروائياں جاری رہیں گی۔