مشرق وسطیہفتہ کی اہم خبریں
آیت اللہ خامنہ ای کے نام آیت اللہ سیستانی کا تعزیتی پیغام
شیعہ نیوز (پاکستانی شیعہ خبر رساں ادارہ) عراق کے بزرگ مرجع تقلید آیت اللہ العظمیٰ سیستانی نے رہبر انقلاب اسلامی کی خدمت میں شہید جنرل قاسم سلیمانی کی شہادت کی تعزیت پیش کی ہے۔
آیت اللہ العظمیٰ سید علی خامنہ ای کے نام آیت اللہ العظمیٰ سید علی سیستانی کے تعزیتی پیغام میں شہید جنرل قاسم سلیمانی کی خدمات کی قدردانی کرتے ہوئے کہا ہے کہ عراق میں داعش دہشت گردوں کے خلاف جنگ کے برسوں میں آپ کے کم نظیر کردار اور انتھک جدو جہد کو ہمیشہ یاد رکھا جائے گا۔
آیت اللہ العظمیٰ سیستانی کے تعزیتی پیغام میں سردار عالی قدر جناب حاج قاسم سلیمانی رحمت اللہ علیہ کی شہادت پر گہرے رنج و غم کا اظہار کرتے ہوئے رہبر انقلاب اسلامی، شہید کے پسماندگان، تمام ملت ایران بالخصوص کرمان کے عوام کے لئے صبر جمیل اور شہید کے درجات کی بلندی کی دعا کی گئی ہے۔
