مشرق وسطیہفتہ کی اہم خبریں

آيت اللہ رئیسی کے انتخاب پر صیہونیوں پر لرزہ طاری

شیعہ نیوز: صیہونی حکومت کی وزارت خارجہ کے ترجمان لیورحیات نے ہفتے کے روز اپنے ایک بیان میں آیت اللہ رئیسی کو ایک ایسا فرد قرار دیا ہے کہ جو ایران کے ایٹمی پروگرام کو تیزی کے ساتھ آگے بڑھانے کا عزم رکھتا ہے۔

لیورحیات کے دعوے کے مطابق آيت اللہ رئیسی کے انتخاب نے ایران کے تخریبی اہداف کو شفاف کردیا ہے، جس پر عالمی برادری میں فوری اور گہری تشویش پیدا ہوسکتی ہے۔

صہیونی حکومت کے ترجمان نے اپنے ٹوئيٹ میں لکھا ہے کہ ایران کے ایٹمی پروگرام کو فوری طور پر روکا جانا چاہیے، ایٹمی پروگرام رول بیک ہونا چاہیے مکمل طور سے روک دینا چاہیے اور ایران کے بیلسٹک میزائیل پروگرام کو بھی جڑ سے ختم کئے جانے کی ضرورت ہے۔

واضح رہے کہ آیت اللہ رئیسی 61 اعشاریہ 9 فیصد ووٹ لے کر ایران کے آٹھویں صدر بن گئے ہیں۔

فارس نیوز کی رپورٹ کے مطابق عالمی رہنماؤں اور اہم شخصیات نے آيت اللہ رئیسی کے انتخاب پر تہنیتی پیغامات ارسال کئے ہیں۔

روس کے صدر ولادیمیر پوتین، شام کے صدر بشاراسد، عراق کے صدر برہم صالح، پاکستان کے وزیراعظم عمران خان سمیت عرب اور اسلامی ملکوں کے حکام نے اپنے علیحدہ علیحدہ پیغامات میں آيت اللہ سید ابراہیم رئیسی کے انتخاب پر مسرت کا اظہار کرتے ہوئے مبارکباد پیش کی ہے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close