دنیا

آذربائیجان اور آرمینیا کے درمیان جنگ جاری

شیعہ نیوز: جمہوریہ آذربائیجان کی وزارت دفاع نے اعلان کیا ہے کہ آرمینیا کی فوج ، گذشتہ شب سے آج صبح تک اس کے فوجی اڈوں کو بھاری حملوں سے نشانہ بناتی رہی ہے۔

جمہوریہ آذربائیجان کی وزارت دفاع نے مزید کہا کہ تاووز ، گدہ بی اور داشکسن پر یہ حملے جمعرات کی صبح تک جاری رہے اور آرمینیا کے فوجیوں نے گوران بوی ، ترتر و آغجیدی کے رہائشی علاقوں کو بھی اپنے حملوں کا نشانہ بنایا تاہم آرمینیا کی فوج جمہوریہ آذربائیجان کے جوابی حملوں کی تاب نہ لاسکی اور اسے پسپائی اختیار کرنا پڑی ۔

جمہوریہ آذربائیجان کے جوابی حملوں میں بڑی تعداد میں آرمینیا کے فوجی ہلاک اور زخمی ہوئے ہیں ۔جمہوریہ آذربائیجان کی وزارت دفاع نے اعلان کیا ہے کہ آپریشنل علاقے اس کی فوج کے کنٹرول میں ہیں ۔آرمینیا نے اب تک اس خبر کی تصدیق نہیں کی ہے ۔

جمہوریہ آذربائیجان اور آرمینیا کے درمیان قرہ باغ کے علاقے کے بارے میں ستائیس ستمبر سے جنگ ہو رہی ہے اور جنگ بندی کے کئی معاہدوں پر دستخط کے بعد بھی اس کا سلسلہ جاری ہے ۔

Tags
Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close