بلوچستان: دہشتگردوں کی فائرنگ سے شیخ اختر عباس قمی کے فرزند ڈاکٹر عبد الزھراء سمیت 6 زائرین شہید
شہید ڈاکٹر عبد الزھراء ایک دیندار، خاکی، سادہ زیست، ایماندار، محنتی، انتھک، خوش مزاج اور ہمدرد انسان تھے. جہاں بیٹھتے رونقِ بزم ہوا کرتے، 15 شعبان کی مناسبت سے قم سے جمکران کے رستے میں تین دن تک ایک موکب میں زائرین کی خدمت کرتے رہے، شہید ایک سعادت مند زندگی گزار کر سعادتِ ابدی کی منزل پر فائز ہوئے
شیعہ نیوز: کل رات بلوچستان کے ضلع گوادر کی حدود میں واقع علاقے کلمت میں دہشتگردوںکی جانب سے لگائی گئی ناکہ بندی کے دوران ریمدان بارڈر سے کراچی جانے والی بس کے زائرین کو شناختی کارڈ دیکھ کر، پنجاب سے تعلق رکھنے کی بناد پر گاڑی سے اتار کر گولیاں مار کر شہید کر دیا گیا۔
شہداء میں استاد العلماء، شیخ الجامعہ و موسس جامعة المنتظر لاہور شیخ اختر عباس قمی (رح) کے فرزند ارجمند اور مرحوم ڈاکٹر امتیاز حسین خان کورائی کے داماد جناب ڈاکٹر عبد الزھراء بھی شامل ہیں جو گزشتہ دو ماہ سے قم المقدس میں مقیم تھے اور ابھی عید الفطر اپنے خانوادہ کے ساتھ منانے کی غرض سے پاکستان واپس آرہے تھے۔
یہ بھی پڑھیں: تہران میں عید الفطر کی نماز آیت اللہ خامنہ ای کی امامت میں ادا کی جائے گی
شہید ڈاکٹر عبد الزھراء ایک دیندار، خاکی، سادہ زیست، ایماندار، محنتی، انتھک، خوش مزاج اور ہمدرد انسان تھے. جہاں بیٹھتے رونقِ بزم ہوا کرتے، 15 شعبان کی مناسبت سے قم سے جمکران کے رستے میں تین دن تک ایک موکب میں زائرین کی خدمت کرتے رہے، شہید ایک سعادت مند زندگی گزار کر سعادتِ ابدی کی منزل پر فائز ہوئے۔
بلوچستان کے دہشتگردوں کی جانب سے شہید کئے گئے دیگر افراد میں اعظم طاھر ولد محمد ادریس سکنہ ملتان، زاھد اصغر ولد اصغر محمد سکنہ پنجاب، تنویر ولد محمد اصغر سکنہ منڈی چناوالا، شہزاد ولد گلزار سکنہ گجرات اور علی عباس ولد محمد شریف سکنہ گجرات بھی شامل ہیں۔
