ن لیگ کی ملک دشمنوں سے قربتیں، کالعدم سپاہ صحابہ کا رہنما ن لیگ میں شامل
شیعہ نیوز (پاکستانی شیعہ خبر رساں ادارہ) مسلم لیگ ن کی ملک دشمن جماعتوں سے قربتیں آشکار ہونے لگیں، ملک دشمن بھارتی و سعودی فنڈڈکالعدم سپاہ صحابہ کےرہنما آصف معاویہ نے مسلم لیگ ن میں شمولیت اختیار کرلی۔
تفصیلات کے مطابق کالعدم لشکر جھنگوی کےسہولت کار، رہنما مسلم لیگ (ن ) وسابق وزیر داخلہ پنجاب رانا ثناء اللہ کی کوششوں سے کالعدم سپاہ صحابہ کا رہنما آصف معاویہ مسلم لیگ ن میں شامل ، اہم ذمہ داریاں ملنے کا امکان۔
آصف معاویہ جھنگ کی تحصیل شورکوٹ کے حلقہ این اے 116 سے ایم این اے کا امیدوارتھا تاہم رانا ثناء اللہ کی کوششوں سے اب مسلم لیگ (ن) میں شامل ہو گیا۔ کالعدم سپاہ صحابہ کا رہنما آصف معاویہ مسلم لیگ(ن) پنجاب کے صدر رانا ثناء اللہ کے مشورے سے ن لیگ میں شامل ہواہے۔ آصف معاویہ نے گزشتہ روز رانا ثناء اللہ سے ملاقات کی اور باقاعدہ مسلم لیگ ن میں شمولیت کا اعلان کیا۔
یہ خبر بھی پڑھیں ناصبیوں نے متنازعہ یکساں قومی نصاب تعلیم مرتب کیا، علامہ حافظ ریاض
ذرائع کے مطابق آصف معاویہ کو مسلم لیگ ن پنجاب میں اہم ذمہ داری ملنے کا امکان ہے۔آصف معاویہ نے عام انتخابات میں شورکوٹ سے آزاد امیدوار کی حیثیت سے الیکشن میں حصہ لیا تھا۔
یاد رہے اس سے قبل بھی مسلم لیگ ن کے ملک دشمن بھارتی فنڈڈ کالعدم سپاہ صحابہ اور اور کالعدم لشکر جھنگوی سے آشکارا تعلقات رہے ہیں اور ن لیگی رہنما ان جماعتوں کے جلسوں میں شرکت بھی کرتے رہے ہیں۔
