ضلع کرم میں جھڑپیں پانچویں روز بھی جاری، 30 افراد جاں بحق، 145 زخمی

شیعہ نیوز: ضلع کرم کے دو قبائل کے درمیان فائرنگ کا سلسلہ پانچویں روز بھی جاری ہے، ان جھڑپوں میں اب تک 30 افراد جاں بحق اور 145 زخمی ہوگئے ہیں، فریقین کے درمیان زمین کے تنازعہ پر تصادم شروع ہوا، جس کے بعد مختلف علاقوں میں جھڑپیں شروع ہوگئی ہیں، پولیس، فورسز اور جرگہ فائر بندی میں مکمل ناکام ہوگیا ہے، ہر متاثرہ علاقے میں پولیس و سیکیورٹی کی بھاری نفری موجود ہے۔ پاراچنار و صدہ شہر پر بھی درجنوں میزائل فائر کئے گئے ہیں۔ ایم این اے انجنئیر حمید حسین کا کہنا ہے کہ پاراچنار سے پشاور مین روڈ بھی ہر قسم کی آمدورفت کیلئے بند ہے، ہسپتال اور مارکیٹ میں ادویات ختم ہوگئی ہیں، ایم پی اے علی ہادی عرفانی کا کہنا ہے کہ حکومت فائر بندی کے لئے فوری اقدامات اٹھائے۔