بائپر جوائے قدرتی آفت ،متاثرین کی فوری امداد کی جائے، علامہ ساجد نقوی

شیعہ نیوز (پاکستانی شیعہ خبر رساں ادارہ) سربراہ شیعہ علماء کونسل پاکستان علامہ سید ساجد علی نقوی نے بائپر جوائے طوفان سے ہونے والے نقصانات پر افسوس کا اظہار کرتے ہوئے کہا ہے کہ وفاقی و صوبائی حکومتیں احتیاطی اقدامات کیساتھ ساتھ متاثرہ گھرانوں کی دوبارہ دیکھ بھال اور بحالی کیلئے حوالے سے بھی جامع پلان مرتب کریں اور اس قدرتی آفت کی زد میں آنیوالے افراد کی مشکلات میں اضافے کی بجائے صحیح معنوں میں کمی لائی جائے۔

انہوں نے کہا کہ متاثرین کو بے آسرا نہ چھوڑا جائے، بین الاقوامی دنیا بھی غور کرے کہ موسمیاتی تبدیلی اور ماحولیاتی آلودگی کے اثرات کیسے کرہ ارض پر اثرانداز ہورہے ہیں۔

یہ خبر بھی پڑھیں سی ٹی ڈی نے دو ماہ سے جبری لاپتہ 3 عزاداروں کو دہشتگرد بنا کر پیش کردیا

علامہ ساجد علی نقوی نے کہا کہ پاکستان ماحولیاتی آلودگی کے اثرات کا شکار ہے، عالمی برادری ماحولیاتی آلودگی کیخلاف بین الاقوامی سطح پر اعلانات کیساتھ عملی اقدامات بھی عمل میں لائے جائیں۔

علامہ سید ساجد علی نقوی نے کہا کہ اس قدرتی آفت کی زد میں ہزاروں گھرانے آرہے ہیں، ٹھٹھہ، بدین، کیٹی بندر اور کراچی سمیت کئی علاقے اس سے شدید متاثر ہونے کی اطلاعات ہیں، اس پر پریشانی پر تشویش کا اظہار کرتے ہوئے کہا کہ بہترین منصوبہ بندی کے ذریعے ریلیف اور پھر بحالی کے اقدامات ایسے منظم انداز میں کئے جائیں تاکہ عوام کی مشکلات بڑھنے کی بجائے کم ہو اور اس صورتحال میں عوام بے یارو مدد یا بے آسرا نہ چھوڑا جائے۔