
اسرائیلی حکومت کی جنگی کونسل کے اجلاس کے موقع پر صیہونی آبادکاروں کا مظاہرہ
شیعہ نیوز: تل ابیب میں صیہونی حکومت کی جنگی کونسل کے اجلاس کے انعقاد کے موقع پر صیہونی آبادکاروں اور قیدیوں کے اہل خانہ نے زبردست مظاہرہ کیا ہے۔
اسرائیلی قیدیوں اور آباد کاروں کے اہل خانہ نے ایک بار پھر تل ابیب کے مرکز میں واقع کریاہ علاقے میں کہ جہاں سیاسی ادارے اور صیہونی حکومت کی فوجی کمان کا ہیڈ کوارٹر واقع ہے، مظاہرہ کیا ہے۔
یہ بھی پڑھیں : دہشت گرد حملوں کی وجہ مغربی ممالک کی غلط پالیسی ہے، جنرل آشتیانی
گذشتہ سال سات اکتوبر سے طوفان الاقصی آپریشن کے آغاز سے اب تک متعدد بار ، حماس کے ہاتھوں قیدی بنائے گئے صیہونیوں کی رہائی کےلئے ان کے اہل خانہ اور اسی طرح صیہونی حکومت کے سیاسی اور سیکورٹی حلقوں نے فلسطینی مزاحمت کی کارروائیوں کے مقابلے میں غاصب حکومت کی ناکامی کا ذمہ دار بنیامین نیتن یاہو اور اس کی جنگی کابنیہ کو قرار دیا ہے اور اس پر بارہا تنقید بھی کی ہے۔