بنگلہ دیش میں ایک بار پھر مظاہرے اور احتجاجات شروع
شیعہ نیوز: بنگلادیش میں نئی انتظامیہ کے خلاف مظاہروں اور احتجاجات کا نیا سلسلہ شروع ہوگیا ہے۔
ڈھاکہ سے موصولولہ رپورٹ کے مطابق ہزاروں پرائمری ٹیچروں کی معطلی کے خلاف زبردست مظاہرہ کیا۔ مظاہرین نے انتظامیہ سے مطالبہ کیا کہ چھے ہزار سے زائد معطل پرائمری ٹیچروں کو جلد سے جلد بحال کیا جائے۔
یہ بھی پڑھیں : پاکستان کی طرف سے کشمیریوں کی غیر متزلزل حمایت جاری رکھنے کے عزم کا اعادہ
یہ احتجاجات آج صبح نوبجے شاہ باغ نیشنل میوزیم کے سامنے شروع کئے گئے جو شام تک جاری رہے۔
پولیس نے طاقت کا استعمال کرکے مظاہرین کو منتشر کرنے کی کوشش کی جس کے بعد تشدد پھوٹ پڑا اور متعدد افراد زخمی ہوگئے۔
رپورٹوں میں بتایا گیا ہے کہ پولیس نے مظاہرین کو منتشر کرنے کے لئے آنسو گیس کی شیلنگ اور واٹر کینن کے استعمال کے علاوہ لاٹھی چارج بھی کیا ۔
دی ڈیلی اسٹار آن لائن کے مطابق مظاہرین نے پولیس کی جانب سے طاقت کے استعمال کے بعد پولیس اہلکاروں پر پتھراؤ کیا اور پولیس اور مظاہرین کے درمیان جھڑپوں کا سلسلہ ایک گھنٹے سے زائد عرصے تک چلتا رہا۔
