مشرق وسطیہفتہ کی اہم خبریں

جشن انقلاب میں عوام کی شرکت سے دشمن مزید مایوس ہوگئے، صدر رئیسی

شیعہ نیوز: ایرانی صدر نے انقلاب اسلامی کی سالگرہ کی ریلیوں میں عوام کی بڑی تعداد میں شرکت کے بعد قدردانی کرتے ہوئے کہا کہ میدان میں عوام کی حاضری نے دشمن کی سازشوں کو ناکام بنادیا ہے۔

رپورٹ کے مطابق ایران کے صدر آیت اللہ رئیسی نے 11 فروری کو انقلاب اسلامی کی سالگرہ کے موقع پر ہونے والے ریلیوں میں پورے ایران میں عوام کی کثیر تعداد کی شرکت پر خوشی کا اظہار کرتے ہوئے اپنے پیغام میں کہا ہے کہ اگرچہ اس دن تقریبات اور ریلیوں میں شرکت کا اجر خدا دے گا تاہم حکومتی عہدیداروں کی بھی ذمہ داری بھی مزید بڑھ جاتی ہے کہ ملک کی ترقی اور عوام کی مشکلات ختم کرنے کے لئے مزید کوشش کریں۔

یہ بھی پڑھیں : فلسطین، رفح پر اسرائیلی حملہ، شہداء کی تعداد 110 ہوگئی

انہوں نے کہا دشمن ایرانی عوام کے اندر مختلف ذرائع سے مایوسی اور انقلاب اسلامی کے بارے میں بدگمانی پھیلانے کی سازش کررہے تھے تاہم ہمیشہ کی طرح عوام نے بصیرت اور شعور کا مظاہرہ کرتے ہوئے بروقت میدان میں حاضر ہوکر دشمن کی سازشوں کو ناکام بنادیا۔ آج عوام کی حمایت سے انقلاب اسلامی ترقی کے منازل طے کررہا ہے۔

انہوں نے کہا کہ پارلیمنٹ اور سپریم لیڈر کی اعلی کونسل کے انتخابات بھی نزدیک ہیں۔ عوام اس موقع پر بھی کثیر تعداد میں میدان میں جمع ہوکر اپنی ذمہ داری ادا کریں گے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button