عزاداری ونگ ایم ڈبلیوایم پنجاب کے زیراہتمام حسینؑ سب کا حسین ؑ رب کا سیمینار، مرکزی قائدین کی خصوصی شرکت
سیمینار کی صدارت مرکزی صدر عزاداری ونگ ملک اقرار حسین علوی نے کی۔مجلس وحدت مسلمین کے وائس چیئرمین علامہ سید احمد اقبال رضوی سیمینار میں بطور مہمان خصوصی شریک ہوئے۔مرکزی کوآرڈینیٹر برائے اجرائی امور ایڈوکیٹ آصف رضا نے خصوصی شرکت کی ۔
شیعہ نیوز : عزداری ونگ مجلس وحدت مسلمین پنجاب کی جانب سے فیصل آباد پریس کلب میں 3 شعبان ولادت امام حسین علیہ السلام کی مناسبت سے حسینؑ رب کا حسینؑ سب کا کے عنوان سےصوبائی صدر ڈاکٹر سید افتخار حسین نقوی کی سربراہی میں عظیم الشان سیمینار کا انعقاد کیا گیا۔
سیمینار کی صدارت مرکزی صدر عزاداری ونگ ملک اقرار حسین علوی نے کی۔مجلس وحدت مسلمین کے وائس چیئرمین علامہ سید احمد اقبال رضوی سیمینار میں بطور مہمان خصوصی شریک ہوئے۔مرکزی کوآرڈینیٹر برائے اجرائی امور ایڈوکیٹ آصف رضا نے خصوصی شرکت کی ۔
سیمینار میں آمد پرمہمانان گرامی کا پرتپاک استقبال کیا گیا اور انہیں پھولوں کے ہار پہنائے گئے۔سیمینار سے مختلف مسالک و مکاتب فکر کے علماء کرام سکالرز اور سول سوسائٹی کی برجستہ شخصیات نے خطاب کیا۔سیمینار میں تمام شعبہ ھائے زندگی سے تعلق رکھنے والے افراد نے شرکت کی۔جشن ولادت نواسہ رسول امام عالی مقام کی مناسبت سے انکی لازوال قربانی اور ان کےمقام ومنزلت پہ روشنی ڈالی گئی۔
مقررین نے قومی و ملی وحدت اور بین المسالک ہم آہنگی کے فروغ پہ گفتگو کی اور کہا کہ اسوہ شبیری ہم حسینیت کے پرچم تلے جمع ہونے کی دعوت دیتا ہے۔مہمان خصوصی علامہ سید احمد اقبال رضوی نے اسوہ شبیری کے پہلو اجاگر کئے ۔سیمینار کے آخر میں ولادت امام حسین علیہ السلام کی مناسبت سے کیک کاٹا گیا،میڈیا کے نمائندگان کی بڑی تعداد نے سیمینار کی کوریج کی۔
