غزہ فلسطینیوں کا ہے، چینی وزارت خارجہ کا شدید ردعمل
شیعہ نیوز:چینی وزارت خارجہ نے غزہ کی پٹی کے رہائشیوں کو نشانہ بنانے کے کسی بھی منصوبے کی مخالفت کرتے ہوئے اس بات پر زور دیا کہ غزہ فلسطینیوں کا ہے، یہ سیاسی سودے بازی یا جنگل کا قانون مسلط کرنے کا کوئی ذریعہ نہیں۔
رپورٹ کے مطابق، چین کی وزارت خارجہ نے غزہ کی پٹی کے باشندوں کو زبردستی بے دخل کرنے کے امریکی صدر کے منصوبے پر ردعمل ظاہر کیا ہے۔
یہ بھی پڑھیں :غزہ کے عوام کی منتقلی کی بات غیر منصفانہ اور تشویشناک ہے، پاکستانی دفتر خارجہ
چین کی وزارت خارجہ نے کہا کہ غزہ فلسطینیوں کا ہے، یہ سیاسی سودے بازی یا جنگل کا قانون مسلط کرنے کا کوئی ذریعہ نہیں ہے۔
چین کی وزارت خارجہ کے بیان میں مزید زور دیا گیا کہ بیجنگ غزہ کے باشندوں کو نشانہ بنانے کی سختی سے مخالفت کرتا ہے۔
غزہ کی پٹی سے فلسطینیوں کی جبری نقل مکانی کے لیے ڈونلڈ ٹرمپ کے مذموم منصوبے کے بعد کئی عرب اور مسلم ممالک حتیٰ کہ یورپی حکومتوں نے اس منصوبے کی مخالفت کا اعلان کرتے ہوئے اس بات پر زور دیا کہ غزہ کی پٹی فلسطینی سرزمین کا اٹوٹ انگ ہے۔
