حماس غزہ میں جنگ بندی پر بات چیت کے لیے تیار

شیعہ نیوز: فلسطین کی مزاحمتی تنظیم حماس کے راہنما سامی ابو زہری نے کہا ہے کہ وہ غزہ میں جنگ بندی بات چیت کے لیے تیار ہیں۔ اپنے بیان میں انہوں نے کہا کہ جنگ بندی معاہدہ اسرائیلی فوج کے مکمل انخلا سے مشروط ہوگا۔ سامی ابو زہری کا کہنا تھا کہ غزہ میں جنگ بندی سے متعلق نئی تجاویز پر ثالث کاروں کو جواب دے دیا ہے۔ انہوں نے مزید کہا کہ حماس غزہ پر اسرائیلی جارحیت کو ختم کرنے والی کسی بھی تجویز کے لیے تیار ہے۔ قبل ازیں امریکہ کی سینٹرل انٹیلی جنس ایجنسی (سی آئی اے) کے ڈائریکٹر بل برنس نے بھی غزہ میں 28 روزہ جنگ بندی کی تجویز پیش کی تھی۔ امریکی میڈیا کی رپورٹ کے مطابق بل برنس کی تجویز میں 8 مغویوں کی رہائی کے بدلے درجنوں فلسطینی قیدیوں کی رہائی شامل ہے۔