حزب اللہ کا اسرائیلی فوج کو منہ توڑ جواب، ایک دن میں 200 میزائل فائر

شیعہ نیوز: اسرائیلی فوج کی جارحیت کے جواب میں حزب اللہ نے گذشتہ 24 گھنٹوں کے دوران 200 سے زائد میزائل فائر کیے ہیں۔

فلسطینی ذرائع ابلاغ نے کہا ہے کہ اسرائیلی فوج کی جانب سے بیروت اور لبنان کے سرحدی علاقوں پر جارحیت کے بعد حزب اللہ نے منہ توڑ جواب دیا ہے۔

یہ بھی پڑھیں : صہیونی انتہا پسند وزیر کے بیان پر فلسطینی مقاومتی تنظیموں کا شدید ردعمل

صہیونی چینل 11 نے اپنی رپورٹ میں کہا ہے کہ گذشتہ دو دنوں کے دوران لبنانی تنظیم نے اپنے حملوں میں صہیونی سرحدی قصبوں کو خصوصی ہدف بنایا ہے۔

جنوبی لبنان کی سرحد کے اندر سے حملوں میں تشویشناک حد تک اضافہ ہوا ہے۔ یاد رہے کہ اسرائیلی فوج نے گذشتہ دنوں سرحدی علاقوں کو حزب اللہ کے جنگجووں سے خالی کرنے کا دعویٰ کیا تھا۔

چینل 11 کے نامہ نگار نے اسرائیلی فوجی حکام سے سوال کیا کہ حزب اللہ کے حملے مسلسل جاری ہیں۔ ایسے میں سرحدی علاقوں سے حزب اللہ کا انفراسٹرکچر تباہ کرنے کا دعویٰ کیسے قبول کیا جاسکتا ہے؟

صہیونی ذرائع ابلاغ کے مطابق گذشتہ چوبیس گھنٹوں کے دوران حزب اللہ نے 200 سے زائد میزائل فائر کئے ہیں۔