انصاراللہ کے اعلی سطحی وفد کا دورہ روس، پوٹن کے خصوصی نمائندے سے ملاقات
شیعہ نیوز: صدر پوٹن کے نمائندے برائے مشرق وسطیٰ سے ملاقات کے دوران انصار للہ کے وفد نے اپنے موقف کو دہرایا کہ فلسطین پر حملے ختم ہونے تک بحیرہ احمر میں اسرائیلی کشتیوں پر حملے جاری رہیں گے۔
المیادین نے کہا ہے کہ یمنی مقاومتی تنظیم انصاراللہ کے اعلی رکن وفد نے ماسکو کا دورہ کیا ہے جہاں انہوں نے اعلی روسی رہنماؤں سے ملاقاتیں کی ہیں۔
یہ بھی پڑھیں : غزہ میں انسانی المیہ درپیش ہے، فوری جنگ بندی کی جائے، جرمنی
انصاراللہ کے ترجمان محمد عبدالسلام نے اس حوالے سے کہا کہ یمنی وفد نے ماسکو میں روسی صدر کے مشرق وسطیٰ کے لئے خصوصی نمائندے میخائیل بوگدانوف اور معاون وزیرخارجہ سے ملاقات کی۔
انہوں نے کہا کہ ملاقات کے دوران فریقین نے مشرق وسطی کے حالات مخصوصا غزہ میں صہیونی حکومت کی جانب سے فلسطینیوں کی نسل کشی کے حوالے سے تبادلہ خیال کیا اور غزہ میں کشیدگی ختم کرنے کے لئے عالمی برادری کی طرف سے امریکہ اور اسرائیل پر دباؤ لگانے پر زور دیا۔
انہوں نے امریکہ اور برطانیہ کی جارحیت کے مقابلے میں صہیونی حکومت کے بارے میں اپنے موقف کا اعادہ کیا اور کہا کہ جب تک غزہ پر صہیونی جارحیت ختم نہیں ہوگی بحیرہ احمر میں اسرائیلی کشتیوں کو نشانہ بنایا جائے گا۔
