لاہور: ”مرکز وحدت امت“ میں یومِ حسینؑ کانفرنس کا انعقاد

شیعہ نیوز: لاہور میں 3 شعبان المعظم ولادتِ با سعادت حضرت امام حسینؑ کے موقع پر ’’مرکز وحدت امت‘‘ میں علامہ سید افتخار حسین نقوی کی سرپرستی میں امام حسین علیہ السلام کانفرنس کا اہتمام کیا گیا۔ کانفرنس میں تمام مکاتب فکر کے علمائے کرام و مشائخ عظام نے شرکت کی اور اپنے خطابات میں امام عالی مقام کی سیرت و کردار پر روشنی ڈالی۔

کانفرنس میں مرکزی رہنما جماعت اسلامی پاکستان ڈاکٹر فرید احمد پراچہ، جے یو پی کے رہنما مولانا محمد خان لغاری، ممتاز رہنما پروفیسر محمود غزنوی، امامیہ آرگنائزیشن پاکستان کے سابق چیئرمین لال مہدی خاں، بابا محمد اسلم حیدری، شیعہ علماء کونسل کے نائب صدر علامہ حافظ سید کاظم رضا نقوی، سید علمدار حسین بخاری، میاں فرزند علی چھچھر، شفقت حسین بلوچ، مودت اہلبیت فاونڈیشن کے چودھری صغیر عباس ورک سمیت دیگر نے شرکت کی۔

یہ بھی پڑھیں: ایم ڈبلیو ایم کے سیاسی کردار نے قوم کا سر فخر سے بلند کیا ہے، اسد عباس نقوی

مقررین نے نواسہ رسول جگر گوشہ علی و بتول (ع) امام حسینؑ کو شاندار الفاظ میں خراجِ عقیدت پیش کیا۔ مقررین کا کہنا تھا کہ محبت اہلبیتؑ کے بغیر کوئی آخرت میں سرخرو نہیں ہو سکتا، محبت اہلبیتؑ ہی جنت کا راستہ ہے۔ مقررین نے مزید کہا کہ امام حسینؑ جوانان جنت کے سردار ہیں، انہیںؑ خدا نے حق شفاعت بخشا ہے، اسلام کی بقاء اور سلامتی کے لیے سب سے زیادہ قربانیاں اہلبیت اطہارؑ کی ہیں۔

علامہ حافظ کاظم رضا نقوی نے کہا کہ امام حسینؑ کیلئے نبی کریم (ص) نے فرمایا حسینؑ مجھ سے ہے اور میں حسینؑ سے ہوں، اس سے بڑھ کر کیا فضلیت ہوگی کہ خود رسول اللہ اپنے نواسے کی فضیلیت بیان کر رہے ہیں۔ دیگر مقررین نے بھی نواسہ رسولؑ کی سیرت و کردار اور اسلام کے لیے خدمات پر روشنی ڈالی۔