غزہ میں جنگ بندی کے معاہدے پر عملدرآمد، گیند صہیونی حکومت کے کورٹ میں ہے، القدس بریگیڈ

شیعہ نیوز: تحریک جہاد اسلامی کے عسکری ونگ القدس بریگیڈ نے کہا ہے کہ جنگ بندی کے معاہدے پر تب تک عمل کریں گے جب تک صہیونی حکومت اس کی پابندی کرے۔

رپورٹ کے مطابق تحریک جہاد اسلامی فلسطین کے عسکری ونگ القدس بریگیڈ کے ترجمان نے کہا کہ صہیونی یرغمالیوں کی واپسی کا واحد راستہ قیدیوں کے تبادلے کے معاہدے پر عمل کرنا ہے۔ ہم جنگ بندی کے معاہدے پر تب تک کاربند رہیں گے جب تک کہ دشمن بھی اپنی ذمہ داریوں کو پورا کرتا رہے۔

یہ بھی پڑھیں : مصری وزیر دفاع کا مسلح افواج کو ہائی الرٹ رہنے کا حکم

ترجمان ابو حمزہ نے کہا کہ طوفان الاقصی آپریشن کے آغاز سے لے کر اب تک کے واقعات اور مسلسل رونما ہونے والے حالات یہ ثابت کرتے ہیں کہ قیدیوں کی واپسی اور استحکام کے قیام کا واحد راستہ قیدیوں کے تبادلے کے معاہدے پر عمل درآمد ہے۔ اس دوران فلسطینی مزاحمت نے اپنی ذمہ داریوں کو بہترین طریقے سے نبھایا ہے جبکہ دوسری طرف دشمن نے اپنے قیدیوں کو خطرناک اور غیر یقینی حالات میں چھوڑ رکھا ہے۔

انہوں نے مزید کہا کہ ہم قابض صیہونی حکومت کو جنگ بندی کے معاہدے کی مسلسل خلاف ورزی کے نتائج کا ذمہ دار ٹھہراتے ہیں۔ صہیونی یرغمالیوں کی قسمت کا دار ومدار نیتن یاہو کی پالیسیوں پر ہے۔