
عمران خان صاحب ! نااہل علی امین گنڈا پور اور بیرسٹر محمد علی سیف کو فوری برطرف کریں
واضح رہے کہ یہ دونوں شخصیات پاراچنار کے مسئلے پر مسلسل غفلت اور نااہلی کا مظاہرہ کرنے کے ساتھ جھوٹ بولنے اور بگن اور مندری میں چھپے ہوئے کالعدم سپاہ صحابہ اور لشکر جھنگوی کے مقامی دہشت گردوں کی پشت پناہی میں بھی ملوث ہیں۔
شیعہ نیوز : ضلع کرم کے علاقے پاراچنار میں گذشتہ کئی ماہ سے جاری بدامنی، شیعہ نسل کشی، محاصرے اور رستوں کی بندش سمیت معصوم بچوں کی اموات پر شیعیان حیدرکرارؑ سمیت ہر باضمیر انسان شدید غم وغصے میں مبتلا ہے ، جہاں اس مسئلے کے حل کی ذمہ داری وفاقی حکومت اور سکیورٹی اداروں پر عائد ہوتی ہے وہیں خیبرپختونخواہ میں قائم پاکستان تحریک انصاف کی صوبائی حکومت بھی وہاں دہشت گردی کی واقعات کی عدم روک تھا م کی برابر کی ذمہ دار ہے ۔
سوشل میڈیا پر شیعیان حیدرکرارؑ بانی چیئرمین پی ٹی آئی عمران خان صاحب سے مسلسل پرزور مطالبہ کررہے ہیں کہ پاراچنار میں ہونے والے مظالم پر خاموش تماشائی کا کردار ادا کرنے والے اپنی حکومت کے نااہل وزیر اعلیٰ علی امین خان گنڈاپور اور ترجمان صوبائی حکومت بیرسٹر محمد علی سیف کو فوری ان کے عہدے سے برطرف کرنے کے احکامات صادر فرمائیں۔
یہ بھی پڑھیں: اسلامی تحریک آنے والے انتخابات میں پوری قوت کے ساتھ اپنا کردار ادا کرے گی کارکنان بھرپور تیاری کریں،علامہ عارف واحدی
واضح رہے کہ یہ دونوں شخصیات پاراچنار کے مسئلے پر مسلسل غفلت اور نااہلی کا مظاہرہ کرنے کے ساتھ جھوٹ بولنے اور بگن اور مندری میں چھپے ہوئے کالعدم سپاہ صحابہ اور لشکر جھنگوی کے مقامی دہشت گردوں کی پشت پناہی میں بھی ملوث ہیں۔
پوری دنیا جانتی ہے کہ یہ دہشت گرد تنظیمیں ہماری ریاست کے اداروں کی ہی پیداوار ہیں جنہیں ایٹم بم سے بھی زیادہ اہم اثاثہ تصور کیا جاتا ہے ۔ لیکن افسوس خود کو جمہوری اور عوامی جماعت کہنے والی، اسٹیٹس کو کے خلاف برسرپیکار ہونے کی دعویدار پاکستان تحریک انصاف بھی پاراچنار میں فرقہ وارانہ منافرت کے اس عالمی اور قومی کھیل کا حصہ بن چکی ہے ۔