گزشتہ 72 گھنٹوں میں غاصب صیہونی فوجی گاڑیوں کے راستے میں 6 بم دھماکے
شیعہ نیوز: فلسطین کی اسلامی جہاد تحریک کی عسکری شاخ القدس بریگیڈ نے اعلان کیا ہے کہ اس کی ایک ذيلی تنظیم جنین بریگیڈ کے مجاہدوں نے گزشتہ 72 گھنٹوں کے دوران مغربی کنارے میں صیہونی فوجیوں کے راستے میں 6 بم دھماکے کیے ہیں۔
القدس بریگيڈ نے مغربی کنارے میں فلسطینی مزاحمت کاروں کے آپریشن ” کیمپوں کی دہشت” کے بارے میں ایک بیان جاری اوراعلان کیا ہے کہ اس فلسطینی تنظیم کے مجاہد نے گزشتہ 72 گھنٹوں میں مختلف علاقوں میں غاصب صیہونی فوجیوں سے 14 جھڑپیں کی ہیں۔
یہ بھی پڑھیں : غزہ میں صیہونی حکومت کے جرائم کی تحقیقات کی جائیں، ایمنسٹی انٹرنیشنل
القدس بریگیڈ نے زور دیا ہے کہ اس کی طولکرم بريگيڈ نے غاصب صیہونی فوجیوں کے ساتھ مختلف علاقوں میں 7 مسلحانہ جھڑپیں کی ہیں اور غاصب صیہونی فوجیوں کے راستے میں 4 بم دھماکے کئے ہيں۔
طولکرم بریگیڈ نے بھی زور دیا ہے کہ اس کے مجاہدوں نے کئی دیگر فلسطینی مجاہدوں کے ساتھ مل کر غاصب صیہونی فوجیوں سے جنگ کی ہے جس کے دوران کئی صیہونی فوجی ہلاک اور زخمی ہوئے ہيں۔
