سفارتی عملے کی نااہلی، ایران میں ہزاروں زائرین مشکلات کا شکار

شیعہ نیوز (پاکستانی شیعہ خبر رساں ادارہ) ایران میں گزشتہ 20 روز سے پھنسے ہزاروں پاکستانی زائرین حکومت پاکستان کی توجہ کہ منتظر ہیں ۔

زائرین میں سے اکثر کےویزے کی میعاد ختم ہوچکی ہے لیکن تہران و مشہد میں موجود پاکستان کا سفارتی عملہ زائرین کے مسائل حل کرنے میں عدم دلچسپی کا اظہار کر رہا ہے۔

زائرین کا کہنا ہے کہ سفر کی مدت میں طوالت کہ سبب جہاں انکے ویزہ ختم ہوچکے ہیں وہیں انکے پاس اب قیام کےلیے موجود زاد راہ بھی ختم ہونے کو ہے لیکن پاکستان کا سفارتی عملہ زائرین کی مشکلات کو حل کرنے کی بجائے انکو کسی بھی قسم کا جواب نہیں دے رہا۔

ایران میں پھنسے ہزاروں پاکستانی زائرین نے وزیر اعظم عمران خان سے مطالبہ کیا کہ انکو وطن واپس لانے کہ لیے خصوصی پروازیں چلائی جائیں تاکہ ایران میں پھنسے ہزاروں پاکستانیوں کی فوری وطن واپسی یقینی ہوسکے۔