ایران کے فسادات میں عالمی استعمار کا ہاتھ تھا۔ جمعہ تہران
شیعہ نیوز (پاکستانی شیعہ خبر رساں ادارہ) تہران کے خطیب جمعہ نے کہا ہے کہ ایران میں ہونے والے حالیہ فسادات کے پیچھے عالمی استعمار کا ہاتھ ملوث تھا۔
مصلی امام خمینی میں تہران کی مرکزی نمازجمہ کے اجتماع سے خطاب کرتے ہوئے جحت الاسلام محمد جواد حاج علی اکبری کا کہنا تھا کہ عالمی سامراج دوسال سے ایران میں ہنگاموں اور بلوؤں کی منصوبہ بندی کر رہا تھا۔
انہوں نے کہا کہ عالمی سامراج نے ایران کی قیادت میں مزاحمتی بلاک سے متعدد بار شکست کھانے کے بعد عوامی احتجاج کی موجوں پر سوار ہوکے ایران میں بدامنی پھیلانے کی ناکام کوشش کی ہے۔
تہران کے خطیب جمعہ نے ایران میں بلوائیوں اور دیگر دہشت گرد گروہوں کے لیے امریکہ کی سیاسی اور سفارتی حمایت کی جانب اشارہ کرتے ہوئے کہا کہ ایران کے عوام نے شرپسندوں سے اپنا راستہ الگ کرکے دشمن کے گھناؤنے منصوبے کو ناکام بنادیا۔
خطیب جمعہ نے کہا کہ ہمیں اپنی اقتصادی مشکلات کو ملک کے اندر حل کرنا چاہیے اور ملک کو اقتصادی لحاظ سے اپنے پاؤں پر کھڑا کرنے کی کوشش کرنی چاہیے ۔
خطیب جمعہ نے کہا کہ دشمن نے پیٹرول کی قیمت کو بہانہ بنا کر ایرانی عوام کو اغوا کرنے کی بھر پور کوشش کی لیکن ایرانی عوام نے ہوشیاری اور بیداری کے ساتھ انقلاب اسلامی کے خلاف دشمن کی گھناؤنی سازش کو ناکام بنادیا۔
قابل ذکر ہے کہ پندرہ نومبر کو ایران میں پیٹرول کی قیمتوں میں اصلاحات ک اعلان کے بعد بعض شہروں میں محدود پیمانے پر مظاہرے ہوئے تھے جو زیادہ تر پرامن رہے تاہم چند ایک مقامات پر تربیت یافتہ شرپسندوں نے سرکاری اور نجی املاک پر حملے کیے اور متعدد بینکوں اور دکانوں نیز ایمبولینسوں اور فائر انجنوں کو نذر آتش کردیا تھا۔
