مشرق وسطی

ایران کی طرف ٹیڑھی نگاہ سے دیکھنے والے کو بھاری تاوان ادا کرنا پڑے گا: ایرانی کمانڈر

شیعہ نیوز:  ایران کی مسلح افواج کے سربراہ میجر جنرل سید عبدالرحیم موسوی نے کہا ہے کہ ایران کی طرف ٹیڑھی نگاہ سے دیکھنے والے کو بھاری تاوان ادا کرنا پڑےگا۔ ہم ملک کی حفاظت کے لئے جان کی بازی لگانے کے لئے آمادہ ہیں۔

ایرانی فوج کے سربراہ نے امام علی (ع) یونیورسٹی میں نشان فداکاری کے سلسلے میں منعقد ہونے والی تقریب کے دوران انتخابات کی اہمیت کی طرف اشارہ کرتے ہوئے کہا کہ انتخابات میں عوام کی بھر پور شرکت ملک کی ترقی ، پیشرفت، قدرت اور قوت کا موجب بنےگی، اور انتخابات کا دن ایرانی عوام کی تقدیر بدلنے کا اہم دن ہے۔ میجر جنرل موسوی نے رہبر معظم انقلاب اسلامی کی طرف سے امام علی یونیورسٹی کی کارکردگي پر اسے نشانہ فداکاری اور پرچم عطا کرنے پر شکریہ ادا کیا۔ میجر جنرل موسوی نے کہا کہ ہم ملک و قوم کی حفاظت کے لئے ہر قسم کی قربانی اور جان کی بازی لگانے کے لئے آمادہ ہیں۔ انھوں نے شہداء کو خراج عقیدت پیش کرتے ہوئے کہا کہ امام علی یونیورسٹی کے ایک ہزار 184 شہداء ہم پر ناظر ہیںاور ہم شہداء کے راستے پر گامزن رہیں گے۔

 

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close