ایران کی دفاعی صنعت میں پیشرفت پر فخر ہے، پاکستانی وزیر دفاع
پاکستان میں اسلحے اور دفاعی صنعت کی سب سے بڑی نمائش کی افتتاحی تقریب کراچی کے ایکسپو سینٹر میں منعقد ہوئی، پاکستان کے وزیر دفاع خواجہ محمد آصف کی نمائیش میں ایران کے لیے مخصوص پویلین میں آمد، اس موقی پر خواجہ محمد آصف کا کہنا تھا کہ ہمیں ایران کی دفاعی صنعت میں پیشرفت پر فخر ہے
شیعہ نیوز: کراچی میں جاری 12ویں پاکستان بین الاقوامی ہتھیاروں کی نمائش "آئیڈیاز 2024” میں، پاکستانی وزیر دفاع خواجہ محمد آصف نے نمائش کی افتتاحی تقریب میں بطور مہمان خصوصی شرکت کی۔ ایران کی مسلح افواج کے پویلین کے دورے میں سندھ کے گورنر محمد کامران خان ٹیسوری بھی انکے ہمراہ تھے۔
ایرانی پویلین پر ان کا استقبال ایران کے فوجی وفد کے سربراہ بریگیڈیئر جنرل مجتبیٰ رمضان زادہ، پاکستان میں ایران کے سفیر رضا امیری مقدم، کراچی میں ایران کے قونصل جنرل حسن نوریان اور پاکستان میں ایران کے ملٹری اتاشی کرنل محمد محسن شہابی نے کیا۔
یہ بھی پڑھیں: عراق جانے والے زائرین کو سہولتیں فراہم کریں گے، چودھری سالک حسین
پاکستان کے وزیر دفاع نے ایران اور پاکستان کے درمیان تاریخی، ثقافتی اور سماجی روابط پر تاکید کرتے ہوئے کہا کہ ہمیں ایران کی فوجی کامیابیوں اور دفاعی شعبے میں پیشرفت پر فخر ہے۔ انہوں نے کہا کہ ایران اور پاکستان ایک دوسرے کے ساتھ کھڑے ہیں اور مل کر دفاعی میدان میں مزید کامیابیاں حاصل کریں گے۔
پاکستان کے وزیر دفاع نے پاک ایران تعلقات کی اہمیت کا ذکر کرتے ہوئے کہا کہ حالیہ مہینوں میں دونوں ممالک کے درمیان اعلی سطحی وفود کا تبادلہ ہوا ہے اور ہمیں یقین ہے کہ یہ سلسلہ آئندہ بھی جاری رہے گا۔
یہ بھی پڑھیں: بچوں کا عالمی دن: غزہ میں ہر 30 منٹ میں ایک بچہ شہید ہورہا ہے
پاکستان میں اسلحے اور دفاعی صنعت کی سب سے بڑی نمائش کی افتتاحی تقریب کراچی کے ایکسپو سینٹر میں منعقد ہوئی، پاکستان کے وزیر دفاع خواجہ محمد آصف کی نمائیش میں ایران کے لیے مخصوص پویلین میں آمد، اس موقی پر خواجہ محمد آصف کا کہنا تھا کہ ہمیں ایران کی دفاعی صنعت میں پیشرفت پر فخر ہے۔
اسلامی جمہوریہ ایران کی مسلح افواج کا وفد بریگیڈیئر جنرل مجتبیٰ رمضان زادہ کی سربراہی میں پاکستان میں ایران کے سفیر اور کراچی میں ایرانی قونصل جنرل کے ہمراہ اس بین الاقوامی تقریب میں شریک ہے۔
