مشرق وسطی

عراقی رضاکار فورس حشدالشعبی نے ایک ڈرون طیارہ مار گرایا

شیعہ نیوز (پاکستانی شیعہ خبر رساں ادارہ) عراق کی رضاکار عوامی فورس حشد الشعبی نے ایک ڈرون طیارے کو مار گرایا ہے۔

رپورٹ کے مطابق حشد الشعبی نے ایک بیان میں اعلان کیا ہے کہ یہ ڈرون طیارہ دارالحکومت بغداد کے مضافات میں حشدالشعبی کی بارہویں بریگیڈ کی چھاؤنی کے اوپر پرواز کر رہا تھا۔

گذشتہ مہینے کے دوران حشدالشعبی کے اسلحہ ڈپو اور کئی چھاؤنیوں میں دھماکے کے بعد عراق کی عوامی فورس کے ادارے کے نائب سربراہ ابومہدی المھندس نے بدھ کو ایک بیان میں کہا تھا کہ ان واقعات کے پیچھے امریکہ کا ہاتھ ہے اور اب اگر کوئی بھی نامعلوم ڈرون طیارہ حشدالشعبی کی چھاؤنیوں کے اوپر پرواز کرتا نظر آیا تو اسے مار گرایا جائےگا۔

عراق کی عوامی رضاکار فورس حشدالشعبی، دوہزار چودہ میں عراق کے بعض شہروں اور علاقوں پر داعش کے قبضے کے بعد بزرگ مرجع تقلید آیت اللہ العظمی سیستانی کے فتوے کے بعد تشکیل پائی تھی اور دوہزار سولہ میں اس ملک کی پارلیمنٹ کی حمایت و موافقت سے عراق کی مسلح افواج کے زیرکمان کام کر رہی ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button