عراق کی اسلامی مزاحمت کا بندرگاہ ایلات پر ڈرون حملہ

شیعہ نیوز: عراق کی اسلامی مزاحمت نے مقبوضہ فلسطین کی جنوبی بندرگاہ ایلات پر ایک اسرائیلی ہدف کو نشانہ بنایا ہے۔

رپورٹ کے مطابق عراق کے ایک اسلامی مزاحمتی گروپ نے کہا کہ یہ کارروائی ڈرون کے ذریعے کی گئی اور ہدف کو ٹھیک طور پر نشانہ بنایا گیا۔

یہ بھی پڑھیں : اسماعیل ہنیہ کا عراقی اعلی سیاسی رہنما سے رابطہ، فلسطین کی حمایت پر اظہار تشکر

یاد رہے کہ طوفان الاقصیٰ کے بعد سے یمنی فورسز اور عراق کی اسلامی مزاحمتی تنظیموں نے غزہ کے مظلوم عوام کی حمایت کا اعلان کرتے ہوئے مقبوضہ بندرگاہ ایلات کو متعدد بار نشانہ بنایا۔

جب کہ غازب اسرائیل نے غزہ کا بدترین محاصرہ کرتے ہوئے نہتے فلسطینی عوام پر وحشیانہ مظالم ڈھائے اور بیس لاکھ سے زائد فلسطینیوں کا ایندھن، بجلی، خوراک اور پانی بند تک کر دیا ہے۔