اسرائیل نے شام کی سرحدوں کے قریب فوجی نفری میں اضافہ کر دیا، صیہونی ذرائع

شیعہ نیوز: صہیونی حکومت نے مقبوضہ گولان اور شام کے ساتھ مشترکہ سرحدی علاقوں میں فوجی نفری میں اضافہ کر دیا۔

الجزیرہ نے خبر دی ہے کہ صہیونی آرمی ریڈیو نے ایک فوجی ذریعے کے حوالے سے بتایا ہے کہ قابض اسرائیلی فوج نے مقبوضہ گولان کے علاقے میں فوجی نفری کی تعداد میں نمایاں اضافہ کیا ہے۔

یہ بھی پڑھیں : امریکہ اپنی کسی ذمہ داری کو پورا نہیں کرتا، وہ صرف طاقت کی زبان سمجھتا ہے، امام جمعہ تہران

صیہونی آرمی ریڈیو نے دعویٰ کیا ہے کہ قابض اسرائیلی فوج شام میں بشار الاسد کی حکومت کے مکمل خاتمے کے منظر نامے کی تیاری کر رہی ہے۔

اس صیہونی فوجی ذریعے نے مزید کہا کہ فوج نے اپنی 210ویں ڈویژن کو شام کی سرحدوں پر بھیج دیا ہے تاکہ حالات کا کنٹرول صیہونی حکومت کے ہاتھ سے نہ نکل جائے۔

آرمی ریڈیو نے یہ بھی اطلاع دی ہے کہ فوج نے شام کی صورت حال کا جائزہ لینے کے لئے اعلیٰ سکیورٹی کمانڈروں کا اجلاس طلب کیا ہے۔