جشن مولود کعبہ حضرت علی ابن ابی طالب علیہ السلام کے پر مسرت موقع پر ملک بھرمیں تقریب جاری
اس حوالے سےلاہور سول کورٹ اور سیشن کورٹ میں بھی کیک کاٹنے کی تقاریب منعقد ہوئیں، جہاں وکلا کی بڑی تعداد نے شرکت کی اور کیک کاٹا۔
شیعہ نیوز : تمام عالم اسلام کی طرح پاکستان کے تمام چھوٹے بڑے شہروں اور قصبوں میں بھی یوم ولادت باسعادت مولود کعبہ حضرت علی ابن ابی طالب علیہ السلام انتہائی عقیدت و احترام کیساتھ منایا جا رہا ہے۔
ملک بھر میں مختلف تقاریب منعقد کی جا رہی ہیں، جن میں یوم ولادت کا کیک کاٹنے سمیت، سماع کی محافل اور محافل میلاد کا انعقاد کیا جا رہا ہے۔مساجد وامام بارگاہوں سمیت گلی محلوں کو برقی قمقموں سے سجایا گیا ہے۔مٹھائیاں تقسیم کی جارہی ہیں۔
اس حوالے سےلاہور سول کورٹ اور سیشن کورٹ میں بھی کیک کاٹنے کی تقاریب منعقد ہوئیں، جہاں وکلا کی بڑی تعداد نے شرکت کی اور کیک کاٹا۔
یہ بھی پڑھیں: حضرت علی علیہ السلام کا یوم ولادت، ذکر علی (ع) کی گونج ہے سارے جہاں میں
اندرون موچی دروازہ بھی محفل سماع کا اہتمام کیا گیا، جس میں معروف قوال زین عباس نے قصائد پیش کئے۔ جامعہ عروۃ الوثقیٰ، ادارہ منہاج الحسین، جامعہ المنتظر، جامعہ الحسین، مسجد صاحب الزمان اسلام پورہ، دربار بی بی پاکدامن، امامیہ کالونی، جعفریہ کالونی، غازی آباد، جوہر ٹاون، گارڈن ٹاون، مسلم ٹاون، بادامی باغ، نواں کوٹ، ٹھوکر نیاز بیگ، واپڈا ٹاون، بحریہ ٹاون سمیت شہر کی مختلف امام بارگاہوں اور شادی ہالز میں تقاریب کا سلسلہ جاری ہے۔
علمائے کرام اور ذاکرین عظام سمیت ثناء خواں حضرات بارگاہ امامت میں اپنی عقیدت کے پھول نچھاور کر رہے ہیں۔ لاہور پریس کلب میں بھی جشن مولود کعبہ کے سلسلہ میں کیک کاٹا گیا۔ سیکرٹری لاہور پریس کلب جعفر بن یار نے کیک کاٹا۔ اس موقع انصار زاہد سمیت صحافیوں کی ایک بڑی تعداد تقریب میں شریک ہوئی۔
