مشرق وسطی

کورونا وائرس کا مقابلہ کرنے کیلئے باہمی تعاون کی ضرورت ہے

شیعہ نیوز (پاکستانی شیعہ خبر رساں ادارہ) اسلامی جمہوریہ ایران کے وزیر خارجہ محمدجواد ظریف نے چین کے وزیر خارجہ وانگ یی Wang Yi سے ہونے والی گفتگو میں ایران کیلئے طبی ساز و سامان بھیجنے پر چین کا شکریہ ادا کیا اور کہا کہ کورونا وائرس ایک عالمی مسئلہ بن گیا ہے کہ جس کا مقابلہ کرنے کیلئے سیاست کوبالائے طاق رکھتے ہوئے دنیا کے ممالک کے مابین باہمی تعاون کی ضرورت ہے۔

محمدجواد ظریف نے کورونا وائرس کو جڑ سے ختم کرنے کیلئے ایران اور چین کے ماہرین کے مابین مشترکہ تحقیقات کا خیر مقدم کیا۔

اس موقع پرچین کے وزیر خارجہ نے ایران میں کورونا وائرس کے پھیلاؤ پر افسوس کا اظہارکرتے ہوئے ایرانی حکومت اور عوام کیساتھ ہمدردی کا اظہار کیا اور کہا کہ ان کا ملک کورونا وائرس کی روک تھام کیلئے ایران کی بھر پور حمایت و مدد کرے گا۔

وانگ ایی نے چینی حکومت کیجانب سے ایران کو کورونا وائرس کی تشخیص کیلئے کٹس اور دیگر طبی سامان ارسال کرنے پر کہا کہ دیگر ضروری امداد کیلئے ایران کیساتھ رابطے میں رہیں گے۔

انہوں نے مزید کہا کہ جب چین کورونا وائرس کا شکار ہوا تب ایران پہلا ملک تھا جس نے چین سے اظہار ہمدردی کی جس کی ہم قدر کرتے ہیں۔

واضح رہے کہ کورونا وائرس کا مقابلہ کرنے کیلئے چین کی جانب سے طبی سازو سامان آج جمعہ کے روز تہران پہنچا۔

Tags
Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close