اہم پاکستانی خبریں

مسئلہ کشمیر، وزیراعظم عمران خان کا جرمن چانسلر کو ٹیلی فون

شیعہ نیوز (پاکستانی شیعہ خبر رساں ادارہ)وزیراعظم عمران خان نےخطے کی حالیہ صورتحال پر جرمن چانسلر انجیلا مرکل سے ٹیلی فونک رابطہ کیا ہے۔ٹیلیفونک گفتگو میں وزیراعظم عمران خان نے جرمن چانسلر کو مقبوضہ کشمیر میں بھارت کے غیر قانونی اقدامات سے آگاہ کیا۔

زرائع کے مطابق وزیراعظم نےجرمن چانسلر انجیلا مرکل کو بتایا کہ بھارتی اقدام اقوام متحدہ کی قرار دادوں، عالمی قوانین اور بین الاقوامی فورم پر کئے گئے وعدوں کی خلاف ورزی ہیں۔کہاکہ بھارت نے مقبوضہ کشمیر کی متنازع حیثیت کو تبدیل کیا ،وہ کشمیر کا جغرافیائی ڈھانچہ تبدیل کررہا ہے۔انہوں نے بتایا کہ نریندرمودی سرکار مقبوضہ کشمیر میں انسانی حقوق کی سنگین خلاف ورزیاں کررہی ہے۔عمران خان نے جرمن چانسلر کو آگاہ کیا کہ مقبوضہ کشمیر میں بھارت نے گزشتہ دو ہفتوں سے مکمل طور پر لاک ڈاؤن اور بلیک آؤٹ کر رکھا ہے۔

وزیراعظم نے مزید کہا کہ بھارت جارحیت سے کشمیریوں کے قتل عام کو ہر قیمت پر روکا جانا چاہیے،نئی دہلی ایل اور سی پر کوئی غیر قانونی کارروائی کرکے دنیا کی توجہ ہٹاسکتا ہے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button