مشرق وسطیہفتہ کی اہم خبریں

عراق میں دہشت گردی کا بڑا منصوبہ ناکام، دو داعشی دہشت گرد گرفتار

شیعہ نیوز:عراق کے انٹیلی جینس سیکریٹریٹ کے جاری کردہ بیان کے مطابق، جمعرا ت کو ایک خصوصی آپریشن کے دوران داعش کے دو خطرناک دہشت گردوں کو گرفتار کرلیا گیا۔ دونوں دہشت گرد جنوبی بغداد کے علاقے لطیفیہ میں کربلائے معلی جانے والے زائرین کے راستے میں بم دھماکے میں ملوث ہیں۔ بیان میں کہا گیا ہے کہ عراق کے سیکورٹی ادارے کافی عرصے ان دونوں کا تعاقب کر رہے تھے۔

دوسری جانب عراق کی عوامی رضاکار فورس الحشدالشعبی کے جاری کردہ بیان میں کہا گیا ہے کہ صوبہ الانبار میں دہشت گردی کا ایک بڑا منصوبہ بھی ناکام بنادیا گیا ہے۔

بیان میں کہا گیا ہے کہ الحشدالشعبی کے جوانوں نے ایک انٹیلی جینس آپریشن کے دوران صوبہ الانبار کے شہر الخالدیہ کے علاقے البویالی میں چھاپہ مار کر بڑی تعداد دستی بم اور دھماکہ خیز مواد ضبط کیا ہے۔

الحشد الشعبی کے بیان میں کہا گیا کہ یہ دھماکہ خیز مواد سیکورٹی اہلکاروں اور عام شہریوں کے خلاف حملوں کی غرض سے اس مقام پر جمع کیا گیا تھا۔

عراقی فوج اور عوامی رضاکار فورس نے ایران کی فوجی مشاورت کے ذریعے سن دوہزار سترہ میں داعش کی نام نہاد خلافت کا خاتمہ کردیا تھا تاہم اس دہشت گردہ گروہ کے باقی ماندہ عناصر مختلف علاقوں میں اب بھی روپوش ہیں اور گاہے بگاہے عراقی عوام اور سیکورٹی اداروں پر حملے کرتے رہتے ہیں۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close