شہداء آج ہمارے لئے بہترین رول ماڈل ہیں، عالم ساجد

شیعہ نیوز: اصغریہ اسٹوڈنٹس آرگنائزیشن پاکستان کے سابق مرکزی صدر محمد عالم ساجدی نے کہا ہے کہ شہداء آج ہمارے لئے بہترین رول ماڈل ہیں، ہم انہیں دیکھ کر عصر حاضر کی کافی مشکلات کو حل کر سکتے ہیں، شہادت ایک ایسا عظیم رتبہ ہے جو ہمارا ہر وقت منتظر رہتا ہے کہ ہے کوئی جو راہِ حسینؑ پر آج گامزن ہو کر مقصدِ حسینؑ کے احیاء میں اپنی جان کا نذرانہ پیش کرے، لائق تحسین و داد ہیں تنظیمی دوست کہ جو اپنے شہداء کو ہمیشہ یاد رکھتے ہیں، ان خیالات کا اظہار انہوں نے بھٹ شاہ میں منعقدہ اصغریہ اسٹوڈنٹس کے 53ویں سالانہ تعلیمات اہلبیتؑ مرکزی کنونشن کے موقع پر شب شہداء سے خطاب کرتے ہوئے کیا۔ عالم ساجدی نے کہا کہ یہ آپ کی اور ہماری خوش نصیبی ہے کہ ہم آج شہداء کی یاد مںا رہے ہیں، ایک شہید اپنی زندگی کو ہماری شعور کو بلند کرنے کی خاطر خدا کی راہ مں قربان کرتا ہے، ایک شہید ہمشہ خود کو خدا کی راہ مں قربانی کیلئے خود کو کربلا کی محضر میں سمجھتا ہے، کیونکہ وہ کربلا کو ہمیشہ زندہ سمجھتا ہے